Мадриднинг "Атлетико" клуби ҳужумчиси Хулиан Альварес Лондоннинг "Арсенал" жамоасига ўтишга қизиқиш билдирмаяпти.
Журналист Хосеп Педрероль маълумотига кўра, яқинда "Арсенал" бош мураббийи Микель Артета аргентиналик футболчига қўнғироқ қилган, аммо Альварес жавоб бермаган.
Ҳужумчи Англияга қайтишни истамаяпти ва ҳамон фаолиятини "Барселона"да давом эттириш ниятида. Каталония клуби вакиллари "Атлетико" бош директори Мигель Анхель Хиль Марин ўз позициясини ўзгартириб, футболчи бўйича таклифни қабул қилишига умид қилмоқда.
Маълумотларга кўра, "Барселона" Хулиан Альварес учун 100 миллион евро таклиф қилмоқда. "Арсенал"дан эса мадридликлар тахминан 150 миллион евро талаб қилгани айтилмоқда.
