«Фиорентина» ҳужумчиси Мойзе Киннинг «Комо» клубига ўтиши фақат бир шарт билан амалга ошиши мумкин. Бу ҳақда таниқли инсайдер Джанлука ди Марцио хабар бермоқда.

Маълум қилинишича, Флоренция клуби футболчи кетишидан олдин унинг ўрнини боса оладиган муносиб номзод топишни истамоқда. Агар жамоа муносиб ўринбосар топа олишмаса, улар ёзги трансфер ойнасида футболчини сотишдан бош тортишади.

Аввалроқ «Комо» Мойзе Киннинг трансфери учун тахминан 40 миллион евро таклиф қилиши мумкинлиги хабар қилинганди.

Эслатиб ўтамиз, 26 ёшли ҳужумчи 2024 йилнинг ёзида Туриннинг «Ювентус» клубидан «Фиорентина»га кўчиб ўтган эди. Ўтган А Серия мавсумида у 26 та ўйинда майдонга тушиб, 8 та гол урди ва 1 та голли узатмани амалга оширди.