«Брайтон» вингери Янкуба Минтенинг «Ливерпуль»га ўтиши барбод бўлиши мумкин. Инсайдер Фабрицио Романонинг ҳисоботига кўра, клублар ўртасидаги музокаралар берк кўчага кириб қолган – охирги сутка давомида томонлар битим шартлари бўйича бир тўхтамга кела олишмади.
«Қизиллар» бозордаги бошқа вариантларни ҳам ўрганишда давом этмоқда. Мерсисайдликларнинг устувор мақсади «ПСЖ»дан Брэдли Баркола бўлиб қолаётган бўлса-да, клуб ҳужум чизиғини яна бир қанот ўйинчиси билан кучайтириш ниятида.
Янкуба Минтенинг бозор қиймати Transfermarkt портали томонидан 45 миллион еврога баҳоланмоқда. Аввалроқ 22 ёшли гамбиялик футболчининг «Ливерпуль»га ўтишни хоҳлаётгани хабар қилинган эди.
