«Brayton» vingeri Yankuba Mintening «Liverpul»ga o‘tishi barbod bo‘lishi mumkin. Insayder Fabrisio Romanoning hisobotiga ko‘ra, klublar o‘rtasidagi muzokaralar berk ko‘chaga kirib qolgan – oxirgi sutka davomida tomonlar bitim shartlari bo‘yicha bir to‘xtamga kela olishmadi.

«Qizillar» bozordagi boshqa variantlarni ham o‘rganishda davom etmoqda. Mersisaydliklarning ustuvor maqsadi «PSJ»dan Bredli Barkola bo‘lib qolayotgan bo‘lsa-da, klub hujum chizig‘ini yana bir qanot o‘yinchisi bilan kuchaytirish niyatida.

Yankuba Mintening bozor qiymati Transfermarkt portali tomonidan 45 million yevroga baholanmoqda. Avvalroq 22 yoshli gambiyalik futbolchining «Liverpul»ga o‘tishni xohlayotgani xabar qilingan edi.