Испаниянинг "Атлетико" клуби янги ҳужумчи излашда давом этмоқда. Бу ҳақда инсайдер Фабрицио Романо хабар берди.
Манбага кўра, мадридликлар "Ювентус"дан Жонатан Дэвиднинг эҳтимолий трансфери шартлари ҳақида маълумот сўраган.
Ҳозирча расмий таклиф ҳам, тўлиқ музокаралар ҳам бошланмаган. Бироқ "Атлетико" томонидан Турин клубига мурожаат бўлган.
Шунингдек, Дэвиднинг ўзи ҳам бошқа клубдан яхши таклиф тушса, "Ювентус"ни тарк этишга тайёр экани айтилмоқда.
А Сериянинг янги мавсуми 1-турида канадалик ҳужумчи "Фрозиноне"га қарши сафар учрашувида "Ювентус"нинг асосий таркибига кирмади. У 1:0 ҳисобида якунланган баҳсни тўлиқ захира ўриндиғида ўтказди.
