Мадриднинг «Реал» клуби Формула-1 Испания Гран-приси ташкилотчилари билан келишувга эришди.

Клуб мусобақанинг маҳаллий ҳамкори мақомига эга бўлди. Келишувга кўра, пойга ҳафталиги давомида «Реал»нинг машғулот мажмуаси инфратузилмасининг бир қисмидан фойдаланилади.

Бундан ташқари, «Реал» Гран-прининг бир нечта меҳмонлар зоналарида тақдим этилади. Ташкилотчилар клуб афсоналари ва бошқа машҳур вакилларининг ҳам тадбирда иштирок этишини режалаштирмоқда.

Аввалроқ «Атлетико» ҳам Гран-при ташкилотчилари билан шунга ўхшаш ҳамкорликни йўлга қўйган эди. «Рияд Эйр Метрополитано» стадиони, жумладан, тадбирнинг логистика маркази сифатида ҳам фойдаланилади.

Испания Гран-приси 11–13 сентябрь кунлари Madring трассасида бўлиб ўтади.