«Барселона» бош мураббийи Ханс-Дитер Флик Ла Лиганинг 2-турида «Эльче»га қарши ўйинда (5:0) вингер Ламин Ямалнинг ҳаракатлари ва жамоанинг кетма-кет учинчи чемпионликни қўлга киритиш мақсадлари ҳақида фикр билдирди. Ямаль майдонда 65 дақиқа ҳаракат қилди, аммо натижали ҳаракат қайд этмади.

«Унинг соғлиғи билан боғлиқ айрим муаммолари бор эди. Аммо у — даҳо. У уч ҳафта таътилда бўлди, кейин эса атиги бир неча кун машғулот ўтказди. Шунинг учун энг яхши ҳолатини кўрсата олмади. Унинг оптимал формага қайтишига ёрдам беришимиз керак. «Эльче»га қарши ўйинда 60 дақиқа ўйнагани ва дастлабки икки голда иштирок этганидан хурсандман. У бизга алмаштиришлар учун имконият берди. Ўйинга кўп нарса қўшди, яхши ишлаяпти ва ривожланмоқда. У бизга керак.

У ўзгаришлар зарурлигини тушунадими-йўқми, билмайман. Ҳақиқий чемпион бўлсанг, доимо кейинги совринга интиласан. Айнан шундай кайфият бўлиши керак. Барча футболчиларда ғалабага иштиёқ ва чемпионликни кетма-кет учинчи марта қўлга киритиш истаги бор. Бу фантастик натижа бўлар эди ва биз бунинг учун курашишга тайёрмиз», — деди Флик.