«Barselona» bosh murabbiyi Xans-Diter Flik La Liganing 2-turida «Elche»ga qarshi o‘yinda (5:0) vinger Lamin Yamalning harakatlari va jamoaning ketma-ket uchinchi chempionlikni qo‘lga kiritish maqsadlari haqida fikr bildirdi. Yamal maydonda 65 daqiqa harakat qildi, ammo natijali harakat qayd etmadi.

«Uning sog‘lig‘i bilan bog‘liq ayrim muammolari bor edi. Ammo u — daho. U uch hafta ta’tilda bo‘ldi, keyin esa atigi bir necha kun mashg‘ulot o‘tkazdi. Shuning uchun eng yaxshi holatini ko‘rsata olmadi. Uning optimal formaga qaytishiga yordam berishimiz kerak. «Elche»ga qarshi o‘yinda 60 daqiqa o‘ynagani va dastlabki ikki golda ishtirok etganidan xursandman. U bizga almashtirishlar uchun imkoniyat berdi. O‘yinga ko‘p narsa qo‘shdi, yaxshi ishlayapti va rivojlanmoqda. U bizga kerak.

U o‘zgarishlar zarurligini tushunadimi-yo‘qmi, bilmayman. Haqiqiy chempion bo‘lsang, doimo keyingi sovringa intilasan. Aynan shunday kayfiyat bo‘lishi kerak. Barcha futbolchilarda g‘alabaga ishtiyoq va chempionlikni ketma-ket uchinchi marta qo‘lga kiritish istagi bor. Bu fantastik natija bo‘lar edi va biz buning uchun kurashishga tayyormiz», — dedi Flik.