«Манчестер Юнайтед» ҳужумчиси Жошуа Зиркзее Италия А Сериясининг яна бир клуби қизиқиш доирасига тушди.
Football Italia хабарига кўра, «Фиорентина» нидерландиялик футболчини ёзги трансфер ойнасидаги устувор мақсадларидан бири сифатида белгилаб олган. 25 ёшли ҳужумчи «бинафшаранглилар» сафида «Комо»га ўтишга қатъий қарор қилган Мойзе Киннинг ўрнини эгаллаши мумкин.
Аввалроқ турли манбалар Жошуа Зиркзеега «Наполи» ва «Ювентус» ҳам қизиқиш билдираётгани ҳақида хабар берган эди.
Transfermarkt экспертлари «қизил иблислар» форвардининг трансфер қийматини 20 миллион евро атрофида баҳоламоқда. Зиркзее Англияга кўчиб ўтишидан аввал Италияда «Болонья» шарафини ҳимоя қилган.
