Мадриднинг «Реал» клуби бош мураббийи Жозе Моуринью Ла Лига доирасида «Реал Сосьедад» устидан қозонилган 4:1 ҳисобидаги ғалабадан кейин ўз фикрлари билан ўртоқлашди.

Учрашувнинг биринчи бўлими 1:1 ҳисобида якунланди. Танаффусдан кейин «қаймоқранглилар» жавобсиз учта гол уриб, йирик ғалабани расмийлаштирди. Килиан Мбаппе хет-трик қайд этди.

«Реал Сосьедад» — жуда яхши жамоа. Биринчи бўлимда сув ичиш учун танаффус бўлганида, бу бизга жуда асқотарди, чунки мен футболчилар билан гаплашишим керак эди. Рақиб биз учун кутилмаган тактика қўллади.

Дастлаб прессинг қилиш бизга жуда қийин бўлди, аммо иккинчи бўлимда анча яхшироқ ўйнай бошладик. Жамоавий ва индивидуал жиҳатдан фантастик ўйин кўрсатдик», — деди Моуринью. Унинг сўзларини Madrid Universal келтирди.

«Реал» икки учрашувдан кейин 6 очко жамғариб, Ла Лига турнир жадвалида пешқадамлик қилмоқда.