«Челси» бош мураббийи Хаби Алонсо ярим ҳимоячи Энцо Фернандеснинг навбатдаги ўйинда иштирок этиши мумкинлиги ҳақида фикр билдирди. Сўнгги кунларда «Манчестер Сити» аргентиналик футболчини ўз сафига қўшиб олиш учун фаол ҳаракат қилмоқда.

Трансфер атрофидаги шов-шувларга қарамай, Фернандес Лига кубогида «Лутон»га қарши бўлиб ўтадиган навбатдаги учрашувда майдонга тушиши мумкин.

«Ҳа, унинг ўйинда иштирок этишини кутяпмиз. У машғулотларда қатнашди, жуда яхши ишлаяпти. У профессионал футболчи ва биз ундан фойдаланамиз», — дея Алонсонинг сўзларини келтиради The Independent.

Фернандесни жамоада сақлаб қолишни истайсизми, деган саволга Алонсо шундай жавоб берди:

«Биз имкон қадар кучли таркибга эга бўлишни хоҳлаймиз. Унинг қандай салоҳиятга эга эканини яхши биламиз. Энцо буни аллақачон намойиш этган. Энди эса кутишимиз керак. Ҳозир бутун эътиборимизни эртанги ўйинга қаратамиз ва кейин воқеалар қандай ривожланишини кўрамиз».

Манба маълумотига кўра, «Челси» Фернандеснинг эҳтимолий ўрнини босадиган футболчини ҳам кўриб чиқмоқда. Лондонликлар «Борнмут» ярим ҳимоячиси Алекс Скотт трансфери бўйича яна музокара бошлаши мумкин.