«Chelsi» bosh murabbiyi Xabi Alonso yarim himoyachi Enso Fernandesning navbatdagi o‘yinda ishtirok etishi mumkinligi haqida fikr bildirdi. So‘nggi kunlarda «Manchester Siti» argentinalik futbolchini o‘z safiga qo‘shib olish uchun faol harakat qilmoqda.

Transfer atrofidagi shov-shuvlarga qaramay, Fernandes Liga kubogida «Luton»ga qarshi bo‘lib o‘tadigan navbatdagi uchrashuvda maydonga tushishi mumkin.

«Ha, uning o‘yinda ishtirok etishini kutyapmiz. U mashg‘ulotlarda qatnashdi, juda yaxshi ishlayapti. U professional futbolchi va biz undan foydalanamiz», — deya Alonsoning so‘zlarini keltiradi The Independent.

Fernandesni jamoada saqlab qolishni istaysizmi, degan savolga Alonso shunday javob berdi:

«Biz imkon qadar kuchli tarkibga ega bo‘lishni xohlaymiz. Uning qanday salohiyatga ega ekanini yaxshi bilamiz. Enso buni allaqachon namoyish etgan. Endi esa kutishimiz kerak. Hozir butun e’tiborimizni ertangi o‘yinga qaratamiz va keyin voqealar qanday rivojlanishini ko‘ramiz».

Manba ma’lumotiga ko‘ra, «Chelsi» Fernandesning ehtimoliy o‘rnini bosadigan futbolchini ham ko‘rib chiqmoqda. Londonliklar «Bornmut» yarim himoyachisi Aleks Skott transferi bo‘yicha yana muzokara boshlashi mumkin.