«Камп Ноу» стадиони 2029 йилги Чемпионлар лигаси финалини қабул қилиш учун асосий даъвогар бўлиб турибди. Бу ҳақда derbyderbyderby.it Испаниянинг Mundo Deportivo нашрига таяниб хабар берди.
Каталониядаги стадионнинг асосий рақобатчиси Лондондаги афсонавий «Уэмбли» ҳисобланади. Мезбон стадион бўйича якуний қарор 15 сентябрь куни, УЕФА ижроқўмитасининг Грециянинг Салоники шаҳрида ўтадиган йиғилишида қабул қилиниши кутилмоқда.
«Камп Ноу» аввал ҳам Чемпионлар лигаси финалларига мезбонлик қилган. Энг машҳур финаллардан бири 1999 йил май ойида бўлиб ўтган. Ўшанда «Манчестер Юнайтед» «Бавария»ни драматик тарзда мағлуб этган, манчестерликлар ўйин сўнгида вазиятни ўз фойдасига буриб, ғалабани қўлга киритган эди.
