Англия футбол лигаси Кубоги доирасидаги учрашувда «Челси» «Лутон Таун»ни 2:0 ҳисобида мағлуб этди. Меҳмонлар бош мураббийи Жек Уилшер учрашувдан сўнг жамоасининг ўйини ҳақида фикр билдирди. У футболчилари муносиб ҳаракат қилганини таъкидлади.
«Биринчи бўлиб хаёлимга келадиган сўз — “фахр”. Биз қанчалик интизомли ва диққат-эътиборли ҳаракат қилганимиз менга жуда ёқди. Биринчи голни ўтказиб юборишни қийин тўхтатиш мумкин эди — бу ҳақиқатан ҳам сифатли гол бўлди. Учрашув охирига яқин бироз чарчадик, аммо йигитлар намойиш этган саъй-ҳаракат ва ўзини аямасдан ўйнаганидан чин дилдан фахрланаман», — дея Уилшер сўзларини BBC Sport келтирди.
Эслатиб ўтамиз, Уилшер 2025 йилдан буён «Лутон»ни бошқариб келмоқда.
