«ПСЖ» ҳужумчиси Усман Дембеле Франция чемпионатининг иккинчи турида «Лилль»га қарши учрашувни ўтказиб юборади. Бунга мураббийлар штаби футболчига дам беришга қарор қилгани сабаб бўлди.
Бу ҳақда парижликлар бош мураббийи Луис Энрике журналистларнинг саволларига жавоб берар экан, маълум қилди.
«Ўтган йили ҳам худди шундай қилган эдик, футболчиларга тикланиш учун вақт бергандик», — дея испаниялик мутахассиснинг сўзларини «ПСЖ» матбуот хизмати келтирди.
Энрике, шунингдек, «ПСЖ» машҳурлиги туфайли доимо оммавий ахборот воситалари эътиборида бўлишини, шу сабабли мураббийнинг оддий қарорлари ҳам баъзан нотўғри талқин қилиниши мумкинлигини таъкидлади.
