«Леганес» яқин икки кун ичида ҳужумчи Альваро Моратанинг трансфери ҳақида эълон қилиши мумкин.

Инсайдер Фабрицио Романо маълумотига кўра, клуб «Комо» ва футболчининг ўзи билан келишувга эришган. Қолган сўнгги расмийлаштириш ишларини эса 24–48 соат ичида якунлаш режалаштирилмоқда.

33 ёшли ҳужумчининг Италия клуби билан амалдаги шартномаси 2029 йил 30 июнга қадар мўлжалланган. Transfermarkt портали футболчининг бозор қийматини 6 миллион евро деб баҳоламоқда.

Европа чемпиони ва Чемпионлар лигасининг икки карра ғолиби «Комо» сафида 30 та учрашув ўтказиб, 1 та гол урди ва 2 та голли узатмани амалга оширди.