Лондоннинг «Челси» клуби Англия Премьер-лигасининг янги мавсумида биринчи турдаёқ «Фулхэм»ни 3:2 ҳисобида мағлуб этди. Бироқ учрашув давомида клуб мухлислари рақибга нисбатан ҳурматсизлик сифатида баҳоланиши мумкин бўлган қўшиқларни куйлаши билан боғлиқ муаммо юзага келди. Клуб раҳбарияти мухлисларни қўллаб-қувватлагани учун миннатдорчилик билдириш билан бирга, бу масалага ҳам муносабат билдирди.
«Клуб ҳар қандай белги бўйича камситишни ўз ичига олган бақириқ ва ҳайқириқларга йўл қўймайди», — дея клуб матбуот хизмати сўзларини derbyderbyderby.it келтирди.
Эслатиб ўтамиз, пайшанба куни кечқурун «Челси» Англия Лига Кубоги доирасида «Лутон»ни 2:0 ҳисобида мағлуб этган эди.
