«Кристал Пэлас» ҳужумчиси Жан-Филипп Матета фаолиятини «Астон Вилла»да давом эттириши мумкин. Бу ҳақда CaughtOffside хабар берди.

Манба маълумотига кўра, «Астон Вилла» 29 ёшли француз футболчисини ўз сафига қўшиб олишга уринишда давом этмоқда. Аввалроқ «Кристал Пэлас» Матета учун 23,4 миллион евро миқдоридаги таклифни рад этган эди.

Шу билан бирга, ҳужумчига «Манчестер Юнайтед», «Тоттенхэм», «Галатасарай» ҳамда Саудия Арабистони клублари ҳам қизиқиш билдирмоқда.

Жорий Англия Премьер-лигаси мавсумида Матета бирта учрашувда майдонга тушди, аммо гол ёки голли узатма билан ажралиб турмади.

Ҳужумчининг «Кристал Пэлас» билан амалдаги шартномаси келаси ёзда ўз ниҳоясига етади.