"Ювентус" бош мураббийи Лучано Спаллетти А Сериясининг 2-туридан ўрин олган "Парма"га қарши ўйин арафасида жамоадаги футболчиларнинг ҳолати ҳақида маълумот берди.

"Биласизлар, Йилдиз бу ўйинда майдонга туша олмайди. Маккенни ҳам ортиқча чарчоқ сабаб ўйнамайди. Тюрамга келсак, унда бироз ноқулайлик бор. Унинг ҳолатини эртага тонгда баҳолаймиз. Қолган барча футболчилар ўйинга тайёр.

Лукуми жамоага жуда яхши мослашмоқда. У кучли футболчи ва яхши инсон. Бироқ Келли сўнгги ўйинни ажойиб ўтказди, шунинг учун ҳозирча шошилишга ҳожат йўқ. Аммо бу масалани диққат билан кўриб чиқаман. Лукумининг кўрсатаётган ўйинидан мамнунмиз. Баъзида футболчини бошқа жамоада кузатганда айрим жиҳатларни эътибордан четда қолдириш мумкин. Аммо унда биз аввал кўрган барча сифатлар бор. Бундан ташқари, у жамоага жуда яхши мослашди", — деди Спаллетти.