"ПСЖ" дарвозабони Матвей Сафонов "Лилль"га қарши учрашув олдидан ўтказилган чигал ёзди вақтида хавотирли ҳолатга дуч келди. У дарвозабонлар мураббийи билан тўқнашиб кетгач, майдонга йиқилди.
Foot Mercato'нинг дастлабки маълумотига кўра, россиялик голкипер клубнинг дарвозабонлар мураббийи билан тўқнашган ва шундан сўнг ерга йиқилган.
Сафонов бир неча дақиқа майдонда қолди ва "ПСЖ" тиббий штаби унга ёрдам кўрсатди.
Шунга қарамай, хабар эълон қилинган вақтда унинг учрашувда иштирок этиши ҳали истисно қилинмаган эди.
Ҳодиса "ПСЖ"нинг Лига 1даги мавсумнинг иккинчи учрашуви бошланишига саноқли дақиқалар қолганда содир бўлди. Энди Сафоновнинг ҳолати диққат билан кузатилиб, уни асосий таркибда майдонга тушириш ёки туширмаслик бўйича якуний қарор қабул қилинади.
