«Ан-Наср» Саудия Арабистони чемпионатининг 4-турида ўз майдонида «Ат-Таавун»ни 2:1 ҳисобида мағлуб этди.

Учрашувда ҳисоб 11-дақиқада меҳмонлар ҳимоячиси Бассам Ал-Урайжий томонидан очилди. Биринчи бўлим охирида Саму Кошта гол уриб, ҳисобни тенглаштирди.

50-дақиқада Криштиану Роналду «Ан-Наср»га ғалаба келтирган голни урди.

«Ан-Наср» 4 та ўйинда 12 очко тўплаб, Саудия Арабистони чемпионати турнир жадвалида пешқадамлик қилмоқда.

Параллел учрашувда «Ал-Ҳилол» сафарда «Ал-Халиж»ни 5:1 ҳисобида йирик мағлубиятга учратди. Симоне Индзаги жамоаси сафида Кадер Мейте, Сергей Милинкович-Савич, Тео Эрнандес, Крисенсио Саммервилл ва Султон Мандаш биттадан гол урди.