«Лилль» бош мураббийи Давиде Анчелотти Франция чемпионатининг 2-турида «ПСЖ» билан 2:2 ҳисобида якунланган учрашувдан кейин ўз фикрларини билдирди.

«Аввало, албатта, хафалик бор, аммо бу ҳис биз билан узоқ қолмайди. Энг муҳими — футболчиларнинг ўйини, мухлислар билан ўрнатган алоқамиз ва орттирган тажрибамиз.

«ПСЖ» каби жамоаларга қарши ўйнаганда ғалаба қозониш учун деярли мукаммал ҳаракат қилиш кераклигини тушунишимиз лозим. Бугун кўрсатган жамоавий бирдамлик, фидойилик ва меҳнат доимо биз билан қолиши керак.

Биз ғалаба қозона олмадик, чунки жуда яхши формадаги ва юқори савияли футболчиларга эга жамоага қарши ўйнадик. Аммо ҳар доим ҳам бундай бўлавермайди. Бугунги баҳсдан хулоса чиқаришимиз керак.

Бизда яна гол уриш учун имкониятлар бўлди ва улардан фойдаланишимиз лозим эди, аммо буни қила олмадик. Бундай жамоаларга қарши ўйин финал ҳуштаги чалинмагунча тугамайди.

Бугун жуда муҳим тажриба орттирдик. Бу келажак учун яхши, чунки Чемпионлар лигасида ҳам шунга ўхшаш учрашувларда майдонга тушишимизга тўғри келади», — деди Анчелотти.

«ПСЖ» икки очко билан Лига 1 турнир жадвалида 6-ўринни эгаллаб турибди. «Лилль» эса 4 очко билан биринчи ўринда бормоқда.