«ПСЖ» бош мураббийи Луис Энрике Франция Лига 1 доирасидаги «Лилль»га қарши учрашувда Дезире Дуэ нега танаффусдаёқ алмаштирилганини тушунтирди.
21 ёшли вингер парижликларнинг асосий таркибида майдонга тушди, аммо иккинчи бўлим бошланишидан олдин унинг ўрнига Хвича Кварацхелия ўйинга қўшилди. Учрашув 2:2 ҳисобида якунланди. «ПСЖ» 91-дақиқагача 0:2 ҳисобида ортда бораётган эди.
«Дуэда мушак билан боғлиқ енгил муаммо пайдо бўлди. Шунинг учун уни алмаштириш қарори на тактик, на техник сабабларга боғлиқ эди», — деди Луис Энрике.
«ПСЖ» 4 сентябрь куни Франция чемпионатининг 3-турида ўз майдонида «Монако»ни қабул қилади. Луис Энрике жамоаси айни пайтда икки очко билан турнир жадвалида 6-ўринни эгаллаб турибди.
