"Тоттенхэм" бош мураббийи Роберто де Дзерби мисрлик ҳужумчи Омар Мармушнинг трансфери ҳақида фикр билдирди.
"Шпорлар" Мармушни "Манчестер Сити"дан 2026/2027 йилги мавсум охиригача ижарага олди.
"Биз жамоада айнан шундай футболчини кўришни истаган эдик. У ғалабага чанқоқ ва катта мақсадларга эга ўйинчи. Омар майдонда фарқ ярата олади.
Унинг ҳужумдаги имкониятлари жуда юқори ва у ҳали яна ўсишга қодир. Мармуш ҳужумдаги ўйинимизни янги даражага олиб чиқиши мумкин", — деди де Дзерби клуб матбуот хизматига.
Омар Мармуш "Манчестер Сити" сафида 2025 йил январидан буён тўп суриб келган. У жамоа таркибида 62 та учрашув ўтказиб, 16 та гол урган.
