«Интер Майами» бош мураббийи вазифасини вақтинча бажараётган Гильермо Ойос Кики Гонсалеснинг жамоа бош мураббийи этиб тайинланишига муносабат билдирди. Мутахассис АҚШда ишлаш учун тегишли рухсатномани олганидан сўнг ўз вазифасига киришади.
«Гонсалесни тайинлаш Лионель Мессининг ғояси эмас эди. Бу клубнинг танлови. Жамоага жуда мос келадиган мураббий топилди. Бу менинг шахсий фикрим. Гонсалес «Интер Майами»ни янги даражага олиб чиқиши мумкин», — дея Ойоснинг сўзларини келтиради ESPN.
Айни пайтда Флорида жамоаси Шарқий конференция турнир жадвалида иккинчи ўринни эгаллаб турибди. «Интер Майами» пешқадам «Нэшвилл»дан 10 очко ортда қолмоқда.
