«Кристал Пэлас»нинг ҳужумкор ярим ҳимоячиси Исмаила Сарр бу ёзда ҳам «Ливерпуль»га ўтиши мумкин. Бу ҳақда инсайдер Николо Скира хабар берди.
Журналист маълумотига кўра, «бургутлар» Сарр учун 60 миллион евро миқдоридаги биринчи таклифни рад этган. Яқин вақт ичида Мерсисайд клуби Саррни қўлга киритиш учун янги уринишни амалга ошириши кутилмоқда.
Шу билан бирга, футболчи ва «қизиллар» ўртасида аллақачон келишувга эришилган. Томонлар 2031 йилгача мўлжалланган узоқ муддатли меҳнат шартномасини келишиб олган.
2025/2026 йилги мавсумда Исмаила Сарр 45 та учрашувда майдонга тушди. Вингер 21 та гол урди ва 1 та голли узатмани амалга оширди.
