Англия Премьер-лигасида «Борнмут» ўз майдонида «Эвертон» билан куч синашди. Учрашувда ғолиб аниқланмади — 1:1.
«Борнмут» 41-дақиқада ҳисобни очди. Эванилсоннинг узатмасидан сўнг Алекс Скотт тўпни дарвозага йўллади. Шундан кейин мезбонлар ўйинни назорат қилиб, ғалабага яқин келди.
Бироқ «Борнмут» уч очкони сақлаб қола олмади. Ҳал қилувчи дақиқалар қўшимча вақтнинг биринчи дақиқасига тўғри келди. Жеймс Тарковскининг аниқ зарбаси «Эвертон»га ҳисобни тенглаштириб, муҳим очкони қўлга киритиш имконини берди.
Шу тариқа, «Эвертон» мавсумдаги дастлабки икки учрашувдан сўнг 4 очко жамғарди. «Борнмут» ҳисобида эса 1 очко бор.
