Ўзбекистон Кубогининг нимчорак финал босқичида “Сурхон” ва “Гулистон” жамоалари ўзаро баҳс олиб борди. Олмалиқдаги “ОКМК” спорт мажмуасида ўтказилган учрашувда “Гулистон” 1:0 ҳисобида ғалаба қозонди.

Учрашувдаги ягона гол 52-дақиқада урилди. Асилбек Умрзоқов “Гулистон”га ғалаба келтирган голга муаллифлик қилди.

Шу тариқа, Биринчи Лига вакили “Гулистон” сенсацион тарзда “Сурхон”ни мусобақадан чиқариб юборди ва Ўзбекистон Кубогида чорак финалга йўл олган илк Биринчи Лига жамоасига айланди.

Сўнгги уч мавсумда ушбу мусобақа нимчорак финалида иштирок этган Биринчи Лига жамоалари 1/4 финалга чиқа олмаган эди.

Ўзбекистон Кубоги. 1/8 финал
“Сурхон” — “Гулистон” 0:1
Гол: 0:1 — Асилбек Умрзоқов (52)