«Тоттенхэм» бош мураббийи Роберто Де Дзерби жамоанинг уч нафар футболчиси трансфер ойнаси ёпилишидан олдин клубни тарк этиш истагини билдирганини маълум қилди.

Шанба куни «шпорлар» Англия Премьер-лигасининг 2-турида ўз майдонида «Ньюкасл»га 0:2 ҳисобида мағлуб бўлди.

«Ришарлисон кетишни хоҳлаётганини кўп марта айтди. Дансо ҳам икки кун олдин олдимга келиб, клубни тарк этмоқчи эканини билдирди. Саррда ҳам вазият шундай, аммо у енгил жароҳат олган.

Мен бу футболчиларни яхши кўраман, улар ажойиб инсонлар. Улар билан муносабатларим ҳам яхши. Лекин агар кетишни хоҳлашса, ечим топишимиз керак. Агар барча томонлар шартлардан қониқса, улар билан хайрлашамиз ва ўрнига бошқа футболчиларни оламиз», — дея Де Дзербининг сўзларини келтиради Football.London.

«Тоттенхэм» навбатдаги учрашувини 5 сентябрь куни ўтказади. Лондонликлар сафарда «Ноттингем Форест»га қарши майдонга тушади.