«Ливерпуль» Коди Гакпога муносиб ўринбосар топилган тақдирда уни «Манчестер Сити»га сотишга тайёр.
Нидерландиялик футболчи «шаҳарликлар» таклифига аллақачон розилик берган ва энди икки клуб трансфер шартлари бўйича келишиб олишини кутмоқда.
Transfer News Live нашри Фабрицио Романога таяниб хабар беришича, «Ливерпуль» Гакпонинг ўрнига икки футболчини асосий номзод сифатида белгилаб олган. Улар — «Брайтон» қанот ҳужумчиси Янкуба Минте ва «Кристал Пэлас» футболчиси Исмаила Сарр.
Transfermarkt ҳар икки футболчининг бозор қийматини 45 миллион еврога баҳоламоқда. Минте 22 ёшда, Сарр эса 28 ёшда.
Гакпо трансфери амалга ошса, «Ливерпуль» унинг сотувидан тахминан 100 миллион евро даромад олиши мумкин.
