«РБ Лейпциг» марказий ярим ҳимоячи Нейл Эль-Айнауи трансфери бўйича «Рома» билан оғзаки келишувга эришди.
Фабрицио Романо маълумотига кўра, клублар футболчининг 4 миллион евро эвазига ижарага ўтиши борасида келишиб олган. Шунингдек, битимга 25 миллион еврога сотиб олиш ҳуқуқи ҳамда кейинги трансфердан тушадиган маблағнинг маълум қисмини «Рома»га тўлаш банди киритилган.
Инсайдер ушбу келишувни Марк Гиунинг 17 миллион еврога амалга оширилган трансфери ҳақидаги эксклюзив хабаридан кейинги яна бир кутилмаган янгилик сифатида баҳолади.
Transfermarkt маълумотига кўра, Эль-Айнауининг бозор қиймати 30 миллион еврони ташкил этади. 25 ёшли футболчининг «Рома» билан амалдаги шартномаси 2030 йилнинг 30 июнига қадар мўлжалланган.
2026/27 йилги мавсумда марокашлик футболчи А Серияда битта учрашувда майдонга тушди ва натижали ҳаракат қайд эта олмади.
