«Фиорентина» Италия А Сериясининг 2-турида ўз майдонида «Фрозиноне»га кутилмаганда 0:3 ҳисобида йирик мағлуб бўлди.

Биринчи турда «Рома»га 0:4 ҳисобида имкониятни бой берган флоренцияликлар шу тариқа чемпионат тарихидаги энг ёмон стартини қайд этди. Жамоа дастлабки икки учрашувда бирорта ҳам гол ура олмади ва ўз дарвозасидан 7 та тўп ўтказиб юборди.

Эслатиб ўтамиз, «Фиорентина» ўтган мавсумни ҳам жуда омадсиз бошлаган эди. Бироқ мавсумнинг иккинчи ярмида натижаларини яхшилаб, А Сериядаги ўрнини сақлаб қолишга муваффақ бўлган.

Италия чемпионатининг кейинги турида «Фиорентина» 5 сентябрь куни «Торино»га қарши майдонга тушади.