«Атлетико» қанот ҳужумчиси Алекс Баэна жамоадоши Хулиан Альварес ҳақида фикр билдирди.

Аргентиналик ҳужумчи сўнгги кунлардаги руҳий ҳолати билан боғлиқ муаммолар сабаб Ла Лиганинг 3-турида «Севилья»га қарши учрашувни ўтказиб юборди. У ҳатто сўнгги машғулотларда ҳам иштирок этмаган эди.

«Атлетико» эса Баэнанинг дубли ва Адемола Лукманнинг голи эвазига «Севилья»ни 3:1 ҳисобида мағлуб этди.

— Альвареснинг йўқлиги сезилдими?

— Мен бундай демаган бўлардим. Биз жуда яхши ўйнадик. Назаримда, бугун барча ўзини ажойиб кўрсатди — ҳам асосий таркибда майдонга тушганлар, ҳам захирадан қўшилганлар. Аммо Хулианнинг барча қийинчиликлардан кейин яна оптимал ҳолатига қайтиб, майдонга тушишини кутяпмиз, — дея Баэнанинг сўзларини келтиради Atletico Universe.

Эслатиб ўтамиз, «Атлетико» Альваресни «Барселона»га қўйиб юборишни истамаяпти. «Арсенал» варианти эса футболчининг ўзига маъқул эмас.