«Atletiko» qanot hujumchisi Aleks Baena jamoadoshi Xulian Alvares haqida fikr bildirdi.

Argentinalik hujumchi so‘nggi kunlardagi ruhiy holati bilan bog‘liq muammolar sabab La Liganing 3-turida «Sevilya»ga qarshi uchrashuvni o‘tkazib yubordi. U hatto so‘nggi mashg‘ulotlarda ham ishtirok etmagan edi.

«Atletiko» esa Baenaning dubli va Ademola Lukmanning goli evaziga «Sevilya»ni 3:1 hisobida mag‘lub etdi.

— Alvaresning yo‘qligi sezildimi?

— Men bunday demagan bo‘lardim. Biz juda yaxshi o‘ynadik. Nazarimda, bugun barcha o‘zini ajoyib ko‘rsatdi — ham asosiy tarkibda maydonga tushganlar, ham zaxiradan qo‘shilganlar. Ammo Xulianning barcha qiyinchiliklardan keyin yana optimal holatiga qaytib, maydonga tushishini kutyapmiz, — deya Baenaning so‘zlarini keltiradi Atletico Universe.

Eslatib o‘tamiz, «Atletiko» Alvaresni «Barselona»ga qo‘yib yuborishni istamayapti. «Arsenal» varianti esa futbolchining o‘ziga ma’qul emas.