Сўнгги вақтларда матбуотда Алехандро Бальде ва Федерико Димарко иштирокидаги эҳтимолий алмашинув ҳақида хабарлар тарқалмоқда.
Маълумотларга кўра, «Барселона» «Интер»нинг италиялик футболчисини ўз сафига қўшиб олиш ва битимга асосий таркибдаги ўрнини йўқотган 22 ёшли Бальдени киритишни режалаштираётгани айтилган эди.
Бироқ инсайдер Фабрицио Романо бу хабарларни рад этди. Унинг маълум қилишича, бундай алмашинув бўйича ҳеч қандай музокара олиб борилмаяпти.
Яна бир таниқли инсайдер Николо Скира ҳам «Интер» Димарко билан хайрлашиш ниятида эмаслигини таъкидлади. Милан клуби 28 ёшли латераль билан шартномани узайтириш борасида иш олиб бормоқда.
Transfermarkt портали ҳар икки футболчининг бозор қийматини 50 миллион еврога баҳоламоқда.
