So‘nggi vaqtlarda matbuotda Alexandro Balde va Federiko Dimarko ishtirokidagi ehtimoliy almashinuv haqida xabarlar tarqalmoqda.

Ma’lumotlarga ko‘ra, «Barselona» «Inter»ning italiyalik futbolchisini o‘z safiga qo‘shib olish va bitimga asosiy tarkibdagi o‘rnini yo‘qotgan 22 yoshli Baldeni kiritishni rejalashtirayotgani aytilgan edi.

Biroq insayder Fabrisio Romano bu xabarlarni rad etdi. Uning ma’lum qilishicha, bunday almashinuv bo‘yicha hech qanday muzokara olib borilmayapti.

Yana bir taniqli insayder Nikolo Skira ham «Inter» Dimarko bilan xayrlashish niyatida emasligini ta’kidladi. Milan klubi 28 yoshli lateral bilan shartnomani uzaytirish borasida ish olib bormoqda.

Transfermarkt portali har ikki futbolchining bozor qiymatini 50 million yevroga baholamoqda.