"Ливерпуль" "Кристал Пэлас" вингери Исмаила Сарр учун янги таклиф тайёрламоқда.

Аввалроқ "бургутлар" 28 ёшли футболчини 60 миллион еврога сотиш бўйича "қизиллар"нинг таклифини рад этган эди. Dsports журналисти Ҳадим Диакате маълумотига кўра, мерсисайдликлар энди Сарр учун 75-80 миллион евро атрофида маблағ таклиф қилиш ниятида.

Сенегаллик футболчи "Манчестер Сити" билан келишувга эришган Коди Гакпога ўринбосар сифатида кўриб чиқилмоқда.

Исмаила Сарр жорий мавсумда ҳали майдонга тушмаган. Ўтган мавсумда эса у 45 та учрашувда 21 та гол уриб, 2 та голли узатмани амалга оширган.

Transfermarkt портали футболчининг бозор қийматини 45 миллион еврога баҳоламоқда.