"Liverpul" "Kristal Pelas" vingeri Ismaila Sarr uchun yangi taklif tayyorlamoqda.
Avvalroq "burgutlar" 28 yoshli futbolchini 60 million yevroga sotish bo‘yicha "qizillar"ning taklifini rad etgan edi. Dsports jurnalisti Hadim Diakate ma’lumotiga ko‘ra, mersisaydliklar endi Sarr uchun 75-80 million yevro atrofida mablag‘ taklif qilish niyatida.
Senegallik futbolchi "Manchester Siti" bilan kelishuvga erishgan Kodi Gakpoga o‘rinbosar sifatida ko‘rib chiqilmoqda.
Ismaila Sarr joriy mavsumda hali maydonga tushmagan. O‘tgan mavsumda esa u 45 ta uchrashuvda 21 ta gol urib, 2 ta golli uzatmani amalga oshirgan.
Transfermarkt portali futbolchining bozor qiymatini 45 million yevroga baholamoqda.
