"Интер" Албания терма жамоаси ярим ҳимоячиси Кристьян Асланининг клубни тарк этганини расман эълон қилди. 24 ёшли футболчи БАА чемпионати вакили "Ал-Жазира"га ижара асосида ўтди.
Асллани "Интер" сафига 2022 йил ёзида "Эмполи"дан тахминан 15,7 миллион евро эвазига келиб қўшилган эди. Бироқ у Милан клубида барқарор ўйин амалиётига эга бўла олмади ва Симоне Индзаги ҳамда Кристиан Киву даврида ҳам асосий таркибдан мустаҳкам жой ололмади.
Ярим ҳимоячи "Интер" сафида барча мусобақаларда 99 та учрашув ўтказиб, 4 та гол урди ва 5 та голли узатмани амалга оширди.
"Нерадзуррилар" раҳбарияти жорий ёзда Асланини тўлиқ сотиб, бошқа трансферлар учун маблағ ишлаб олишни режалаштирган эди. Аммо футболчига жиддий қизиқиш бўлмагани сабаб клуб уни мавсум якунида сотиб олиш ҳуқуқисиз ижарага беришга мажбур бўлди.
