«Ливерпуль»нинг собиқ ярим ҳимоячиси Стивен Жеррард «Ноттингем Форест» билан дурангдан сўнг мерсисайдликлар муаммолари ҳақида фикр билдирди. «Энфилд»да ўтказилган Премьер-лиганинг иккинчи тур учрашуви 2:2 ҳисобида якунланди.

«Менимча, «Ливерпуль» жуда юмшоқ ўйнаяпти. Жамоага вайронкор футболчи етишмаяпти. Улар тўп учун курашларга камдан-кам киришади ва яккама-якка дуэлларда кам ғалаба қозонишади. Жамоа жуда юмшоқ. Мураббий буни ўзгартириши керак, «Ливерпуль» футболчилари янада агрессив бўлиши лозим», — деди Жеррард TNT Sports интервьюсида.

Англия чемпионатининг янги мавсумида «Ливерпуль» икки учрашувда бор-йўғи икки очко жамғарди. Жамоа «Ньюкасл» (2:2) ва «Ноттингем Форест» (2:2) билан дуранг ўйнади.

Кейинги турда «Ливерпуль» сафарда «Ипсвич»га қарши майдонга тушади.