«Ковентри Сити» бош мураббийи Фрэнк Лэмпард унинг профессионаллик даражасига шубҳа қилаётганларни ўз фикридан қайтаришга интилмаслигини айтди. Ўтган мавсум якунларига кўра, мутахассис бошчилигидаги жамоа Чемпионшип ғолибига айланиб, Англия Премьер-лигасига йўл олди.

«Замонавий футболда шундай хусусият бор: бир дақиқада сиз ажойиб мутахассис бўлишингиз мумкин, кейинги дақиқада эса унчалик яхши эмасдек кўринасиз ва бу ҳақда ҳамма сизга айтади. Ҳар бир шубҳаланувчининг нотўғри эканини исботлашга уринишда эҳтиёт бўлиш керак, чунки бунинг иложи йўқ.

Менда барча танқидчиларга улар адашаётганини исботлаш истаги бор, аммо буни ўзим учун асосий ҳаракатлантирувчи кучга айлантирмасликка ҳаракат қиламан. Мен Премьер-лигада футболчи сифатида ўйнаганман ва бу ерда мураббийлик ҳам қилганман, бу қанчалик қийин эканини тушунаман.

Олдиндан хулоса чиқариб, ташқи шов-шувдан ортиқча хавотир олмайман. Акс ҳолда, унга берилиб кетишингиз ва бу қарор қабул қилиш қобилиятингизга таъсир қилиши мумкин», — дея Лэмпарднинг сўзларини BBC келтиради.