Мадриднинг «Атлетико» клуби бош мураббийи Диего Симеоне Хулиан Альварес атрофидаги вазиятдан қаттиқ норози экани айтилмоқда.
Ҳужумчи очиқ равишда «Барселона»га ўтиш истагини билдирган, бироқ «матрасчилар» уни каталонияликлар сафига қўйиб юборишдан бош тортди.
Сўнгги кунларда футболчи жамоа билан машғулотларда ҳам иштирок этмади. Бу ҳолат унинг клубдан кетиш истаги билан боғлиқ экани ҳақида хабарлар тарқалди.
Barca Universal хабарига кўра, Альвареснинг хатти-ҳаракатлари Симеонени шу қадар ғазаблантирганки, мураббий ҳатто футболчига қарамаётган эмиш.
Айни пайтда Хулиан Альварес учун курашда Лондоннинг «Арсенал» клуби асосий фаворит ҳисобланмоқда. Бироқ аргентиналик ҳужумчи ҳануз Англияга қайтишни истамаяпти.
