Лондоннинг «Челси» клуби марказий ҳимоячиси Тосин Адарабиойо трансфер ойнасининг сўнгги соатларида жамоани тарк этиши мумкин. Бу ҳақда инсайдер Фабрицио Романо хабар берди.
Манба маълумотига кўра, «Челси» 28 ёшли футболчи билан хайрлашишга тайёр. Журналистнинг таъкидлашича, айни пайтда клуб англиялик ҳимоячи бўйича музокаралар олиб бормоқда.
«Челси» Адарабиойони 2024 йилда «Фулхэм»дан эркин агент сифатида ўз сафига қўшиб олган эди. Шундан буён ҳимоячи барча мусобақалар доирасида 70 та учрашувда майдонга тушиб, 7 та гол урди ва 1 та голли узатмани амалга оширди.
Transfermarkt портали мутахассислари Адарабиойонинг трансфер қийматини 16 миллион еврога баҳоламоқда.
