«Барселона»нинг қанот ҳимоячиси Алехандро Бальде «Манчестер Юнайтед»га ўтмайди. Бу ҳақда инсайдер Фабрицио Романо хабар берди.
Манба маълумотига кўра, «қизил иблислар» 22 ёшли футболчига бўлган қизиқишини сусайтирган. Манчестер клуби эҳтимолий трансферни молиявий жиҳатдан жуда қиммат деб ҳисоблаган.
Бальде янги мавсумда ҳозирча бирор марта майдонга тушгани йўқ. Испаниялик ҳимоячининг «Барселона» билан амалдаги шартномаси 2028 йил июнь ойи ўрталарига қадар мўлжалланган.
Transfermarkt портали маълумотига кўра, Алехандро Бальденинг бозор қиймати 50 миллион еврони ташкил этади.
