Таниқли инсайдер Фабрицио Романо «Ювентус» ҳужумчиси Жонатан Дэвиднинг «Атлетико»га кутилаётган трансфери бўйича янги тафсилотларни маълум қилди.
Унинг хабар беришича, 26 ёшли канадалик футболчининг ижара келишувига 25 миллион еврога сотиб олиш ҳуқуқи киритилади. Ушбу банд мажбурий бўлмайди — 2027 йил ёзида Мадрид клуби ҳужумчининг трансфер ҳуқуқларини тўлиқ сотиб олиш ёки олмасликни мустақил ҳал қилади.
Аввалроқ Романо «Атлетико» ва «Ювентус» Дэвидни ижарага бериш бўйича келишувга эришганини хабар қилган эди. Шунингдек, Испания клуби футболчининг маошининг ярмидан кўпроқ қисмини ўз зиммасига олиши айтилган.
Жонатан Дэвид 2025 йил ёзидан буён «Ювентус» шарафини ҳимоя қилиб келмоқда. Канадалик ҳужумчи Турин клубига эркин агент мақомида қўшилган эди.
