«Ливерпуль»нинг янги футболчиси Брэдли Барколя Англия клуби билан шартнома имзолаганидан сўнг ўз фикрлари билан ўртоқлашди.

«Менга бу стадионда икки марта ўйнаш насиб қилган ва ўша пайтдаги муҳитни, мухлисларнинг «Ливерпуль» футболчиларини қандай қўллаб-қувватлашини кўрганман. «Ливерпуль» менга қизиқиш билдираётганини эшитганимда, менда ҳеч қандай савол қолмади. Бу жуда катта клуб эканини яхши билардим», — дея Барколянинг сўзларини клуб матбуот хизмати келтирди.

31 август куни «Ливерпуль» 23 ёшли француз ҳужумчисининг трансферини расман эълон қилди. Футболчи мерсисайдликлар билан узоқ муддатли шартнома имзолади ва янги жамоасида 29-рақам остида тўп тепади.

Баркола бунга қадар, 2023 йилдан буён «ПСЖ» шарафини ҳимоя қилиб келган.