«Арсенал» ҳужумчиси Габриэл Жезус Каталонияга етиб борди.

29 ёшли бразилиялик футболчи яқин вақт ичида «Барселона»га ўтишини расмийлаштириши кутилмоқда.

Испаниялик журналист Виктор Наварро хабар беришича, Жезус тиббий кўрикдан ўтади ва шундан сўнг «Барселона» билан икки йиллик шартнома имзолайди. Келишувни яна бир мавсумга узайтириш имконияти ҳам кўзда тутилган.

Каталонияликлар футболчининг трансфери учун «Арсенал»га 10 миллион евро тўлайди. Яна 5 миллион евро турли бонуслар кўринишида назарда тутилган. Жезуснинг «Барселона» футболчиси сифатидаги тақдимоти сешанба ёки чоршанба куни ўтказилиши кутилмоқда.

Жезус 2022 йил ёзида «Манчестер Сити»дан «Арсенал»га кўчиб ўтган эди.