УЕФАнинг собиқ президенти Мишель Платини ФИФАнинг амалдаги раҳбари Жанни Инфантинони лавозимини тарк этишга чақирди.

Платинининг фикрича, Инфантино футбол қоидаларига риоя этилишининг кафили бўлиши керак, аммо унинг ўзи айрим ҳолатларда ушбу қоидаларга амал қилмаган.

«Иқтисодий масалалар — бу бошқа мавзу. Аммо менимча, Инфантино ўз вазифасини уддалай олмади. Чунки у ўйин қоидаларига риоя этилишининг кафили ҳисобланади, бироқ ўзи уларга амал қилмади.

Регламентда реклама танаффуслари кўзда тутилмаган. Финалда 30 дақиқалик танаффус ҳам регламентда йўқ. Қизил карточка билан боғлиқ масала эса энг ёмони.

У қоидалар кафили, аммо ўзи уларга амал қилмаяпти. Шунинг учун у кетиши керак», — деди Платини.

Унинг сўзларини derbyderbyderby.it келтирди.

Эслатиб ўтамиз, Жанни Инфантино 2016 йилдан буён ФИФА президенти лавозимида ишлаб келмоқда.