«Манчестер Юнайтед»нинг собиқ ҳимоячиси Гари Невилл «Арсенал» таркибининг кучли томонлари ҳақида фикр билдирди.

Амалдаги Англия чемпиони янги мавсумни икки ғалаба билан бошлади. Душанба куни Микель Артета жамоаси сафарда «Астон Вилла»ни 1:0 ҳисобида мағлуб этди.

«Агар сиздан «Арсенал»нинг ҳужумчиларини ўз жамоангизникига алмаштиришни хоҳлайсизми, деб сўрашса, «Манчестер Юнайтед», «Челси» ёки «Ливерпуль» ўрнида бўлганингизда эҳтимол ўз ҳужумчиларингизни сақлаб қолишни истардингиз.

Аммо ҳимоячилар ва ярим ҳимоячилар ҳақида гап кетса, уларнинг барчасини «Арсенал» футболчиларига алмаштирган бўлардингиз», — деди Невилл.

Унинг сўзларини Arsenal Radar келтирди.

«Арсенал» 6 сентябрь, якшанба куни ўз майдонида «Челси»ни қабул қилади. Лондонликларнинг ҳар иккиси ҳам чемпионатнинг дастлабки икки турида ғалаба қозонган.