«Manchester Yunayted»ning sobiq himoyachisi Gari Nevill «Arsenal» tarkibining kuchli tomonlari haqida fikr bildirdi.
Amaldagi Angliya chempioni yangi mavsumni ikki g‘alaba bilan boshladi. Dushanba kuni Mikel Arteta jamoasi safarda «Aston Villa»ni 1:0 hisobida mag‘lub etdi.
«Agar sizdan «Arsenal»ning hujumchilarini o‘z jamoangiznikiga almashtirishni xohlaysizmi, deb so‘rashsa, «Manchester Yunayted», «Chelsi» yoki «Liverpul» o‘rnida bo‘lganingizda ehtimol o‘z hujumchilaringizni saqlab qolishni istardingiz.
Ammo himoyachilar va yarim himoyachilar haqida gap ketsa, ularning barchasini «Arsenal» futbolchilariga almashtirgan bo‘lardingiz», — dedi Nevill.
Uning so‘zlarini Arsenal Radar keltirdi.
«Arsenal» 6 sentyabr, yakshanba kuni o‘z maydonida «Chelsi»ni qabul qiladi. Londonliklarning har ikkisi ham chempionatning dastlabki ikki turida g‘alaba qozongan.
